ICOMOS CIPA მემკვიდრეობის დოკუმენტაციის ზამთრის სკოლა

ოთხდღიანმა სამუშაო შეხვედრამ თბილისში გააერთიანა 15 მონაწილე, მათ შორის თბილისის სამი უმაღლესი სასწავლებლის სტუდენტები და თბილისსა და ბათუმში არქიტექტურული მემკვიდრეობის დაცვაზე მომუშავე ახალგაზრდა სპეციალისტები. სამუშაო შეხვედრას უძღვებოდა 4 საერთაშორისო ექსპერტი და საპროექტო გუნდის წევრები ლურჯი ფარის ეროვნული კომიტეტიდან. სწავლება შეეხო არქიტექტურის დოკუმენტაციისათვის მნიშვნელოვან სამ მიმართულებას:

• ფოტოგრაფია;
• ფოტოგრამეტრია;
• ლაზერული სკანირება.

აღნიშნულ ტრენინგში ერთი საერთაშორისო ექსპერტის ნაცვლად იკომოსის დოკუმენტაციის სამეცნიერო კომიტეტის (CIPA) კულტურული მემკვიდრეობის დოკუმენტაციის მკვლევრებისა და ტრენერების ჩართვა შესაძლებელი გახდა ამ ორგანიზაციისა და თბი- ლისის მუნიციპალიტეტის მერიის მხარდაჭერითა და თანადაფინანსებით.